Fəlsəfə və Hüquq İnstitutunun şöbə müdiri beynəlxalq konfransda Azərbaycanı təmsil edib
2014.11.22
AMEA Fəlsəfə və Hüquq İnstitutunun şöbə müdiri, fəlsəfə üzrə
elmlər doktoru Adil Əsədov 12-13 noyabr 2014-cü il tarixlərində Rusiya
Federasiyasının Sankt-Peterburq şəhərində “İlahiyyat və elm: dünyagörüş
paradiqmalarının dialoqu” mövzusunda keçirilən beynəlxalq konfransın plenar
iclasında “Mədəniyyətlərin dörd tipi və onlararası qarşılıqlı münasibətlər (Mədəniyyətlərin
tipologiyası Azərbaycan filosofunun baxış bucağında)” adlı məruzə ilə çıxış edib.
“Sankt-Peterburqda fəlsəfə günləri” rəsmi proqramı çərçivəsində keçirilən həmin
konfransda Adil Əsədov tərəfindən mədəniyyətlərin tipologiyası ilə bağlı irəli
sürülən yeni elmi doktrinanın təqdimatı Azərbaycan Respublikasının Prezidenti
yanında Bilik Fondunun “Azərbaycan elmi bu gün xaricdə” layihəsinin tərkib
hissəsi olaraq həyata keçirilib.
